Тошкент Фотосуратлар уйида “Янги Ўзбекистон бунёдкорлари” деб номланган кўргазма очилди. Ўзбекистон Миллий ахборот агентлиги ва Ўзбекистон Бадиий академияси ҳамкорликда ташкил этган ушбу намойишдан мақсад кейинги йилларда юртимизда турли соҳаларда ва республикамизнинг ҳудудларида қўлга киритилаётган ютуқларни, юксалишларни, одамларнинг фаровон турмушини расмлар орқали намойиш этиш,  замондошларимизни бунёдкорликка чорлаш, ёшларда юрт тараққиётига дахлдорлик туйғусини уйғотишдан иборатдир.

Кўргазманинг очилиш маросимида таъкидланганидек, ҳар бир суратнинг ғояси, мақсади бўлади, лекин энг яхши фотосурат бу - албатта эзгуликка чорловчи асардир. 

Мазкур экспозициядан Ўзбекистон Миллий ахборот агентлиги фотомухбирларининг 100 дан ортиқ энг сара фотосуратлари ўрин олди. Кўргазма 2024 йилда мамлакатимиз ижтимоий, иқтисодий, маданий-маърифий ҳаётида юз берган ўзгаришларнинг ўзига хос сарҳисоби бўлди. 

Кўргазмадан ўрин олган фотосуратларнинг мавзу кўлами кенг. Масалан, янги иншоотлар, турар жойлар, кўприк ва равон йўллар, янги корхоналар, қишлоқ хўжалигидаги илғор технологиялар, сайёҳлик манзиллари, ижтимоий объектлар, спорт иншоотлари ва ғолиб спортчилар. Хуллас буларнинг барчаси шонли тарихимизда бу йилги қўлга киритилган улкан ютуқ сифатида муҳрланди ва келгуси авлод учун олтин мерос бўлиб қолади. 

<iframe width="650" height="420" src="https://www.youtube.com/embed/PfxqbeqNwug" title="Yangi Oʻzbekiston bunyodkorlari fotokoʻrgazmasi" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Фотокўргазма 25 декабрга қадар давом этади. 

Санжар Тошпўлатов, Дониёр Якубов, Улуғбек Тўхтаев (видео), ЎзА