“InnoWeek.Uz-2024” халқаро инновацион ғоялар ҳафталиги доирасида, Венгриянинг “Startup Campus Incubator Zrt.” компанияси ҳамда бошқа хорижий ҳамкор ташкилотлар билан биргаликда “Innogen youth program” дастури доирасида тадбир ташкил этилди. Тадбирда Венгриянинг Ўзбекистондаги фавқулодда ва мухтор элчиси Jozef Rozsa, вазирлик ва идоралар раҳбарлари, стартапчилар, инновацион технологик парклар, маҳаллий ва хорижий компания вакиллари, соҳа мутахассислари, Венгриянинг “Startup Campus Incubator Zrt.” компанияси вакиллари, илмий муассасалар, венчур фондлар ҳамда Олий таълим муассасалари профессорлари иштирок этишди.

Маълумот учун: Startup Campus - бу ғоя босқичидан бозорга чиқишгача бўлган инновацион бизнеслар учун глобал дастур ҳисобланади. Ушбу дастурини давомли амалга ошириш мақсадида Олий таълим, фан ва инновациялар вазирлиги кузатув кенгашининг 2024 йил 15 январдаги 11-сон баёнига асосан 2024 йил май ойида Венгриянинг Будапешт шаҳрига қисқа муддатли илмий стажировка амалга оширилган “Innogen youth program” дастури доирасида Олий таълим муассасаларининг магистр ва PhD талабалари, илмий-тадқиқот муассасалари вакиллари ҳамда кичик ва ўрта бизнес субъектлари вакиллари жалб қилинган ҳолда кимё технологиялари, тўқимачилик, муқобил энергетика, био препаратлар ҳамда сув тежаш технологиясига асосланган лойиҳа эгаларини жалб қилинади.

Ўтказилган тадбир давомида иштирокчилар ўзларининг лойиҳалар тақдимотини амалга ошириб, сертификат ҳамда эсдалик совғалар билан тақдирландилар. Дастурнинг энг фаол иштирокчилари дунёнинг етакчи стартапларни қўллаб-қувватловчи компаниялари дастурларида ўз лойиҳаларини олиб чиқиш имкониятига эга бўладилар.

<iframe width="650" height="420" src="https://www.youtube.com/embed/Rhct0d1q4CE" title="Yoshlar uchun yangi dastur taqdimoti oʻtkazildi" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

М.Турдалиева, Н. Абдувоитов (видео), ЎзА