Cирдарё вилоят Кенгашининг еттинчи чақириқ биринчи сессияси
Унда вилоят ҳудудий сайлов комиссияси раиси Зафар Ҳакимовнинг жорий йил 27 октябрда бўлиб ўтган сайлов якунлари тўғрисидаги ахбороти тингланди.
Сессияда депутат Ахмеджанова Покиза Шавкатовна Халқ депутатлари Cирдарё вилояти Кенгаши раиси этиб сайланди.
Шунингдек, сессияда Халқ депутатлари Cирдарё вилояти Кенгашига сайланган депутатларнинг партия гуруҳлари рўйхатдан ўтказилиб, вилоят Кенгашининг регламенти ва доимий комиссиялар тўғрисидаги Низом тасдиқланди.
Маслаҳатлашувда Президент томонидан Cирдарё вилояти ҳокими лавозимига Маҳмудалиев Акмалжон Азимжонович номзоди кўрсатилганлиги билдирилди.
Халқ депутатлари Cирдарё вилояти Кенгашининг қарори билан Акмалжон Маҳмудалиев Cирдарё вилояти ҳокими лавозимига тасдиқланди.
Ғулом Примов, Шаҳриёр Ортиқбоев(сурат),
ЎзА мухбирлари