ФОТОРЕПОРТАЖ
Наманган вилоятида уч кун давом этган III Халқаро асал фестивали якунланди.
Асаларичилик соҳасини ривожлантириш ва асал маҳсулотларини халқаро бозорга олиб чиқиш мақсадида ташкил этилган фестиваль доирасида вилоят асаларичилари ва Қирғизистондан ташриф буюрган соҳа вакиллари ўртасида B2B учрашуви ўтказилди.
[gallery-20180]
Учрашувда 2025-2026 йилларни қамраб олувчи, умумий қиймати 8 миллион АҚШ долларилик экспорт шартномалари имзоланди.
Наманган шаҳридаги “Афсоналар водийси” тематик боғида III Халқаро асал фестивали иштирокчиларини тақдирлаш маросими ўтказилди.
Маросимда вилоят ҳокими ўринбосари Ботир Нуритдинов қатнашиб, фестиваль Наманганнинг яна бир ташриф қоғозига айланиб бораётганини эътироф этди.
Фестивалда иштирок этган 50 дан ортиқ маҳаллий ва қўшни давлатлардан ташриф буюрган асаларичиларга ташаккурнома ҳамда эсдалик совғалари топширилди.
Тақдирлаш маросимдан сўнг маданият ходимлари иштирокида концерт дастури ташкил этилди.
Ҳотам МАМАДАЛИЕВ (сурат), ЎзА