ФОТОРЕПОРТАЖ
Сурхондарё вилояти Бойсун туманида анъанавий "Олма сайли" фестивали бўлиб ўтди.
"Бойсун баҳори" туризм комплексида ўтказилган фестивалда олма етиштириш билан шуғулланувчи фермерлар, Бойсун давлат ўрмон хўжалиги ва деҳқон хўжаликлари маҳсулотлари кўргазмаси ташкил этилди.
Иштирокчилар шунингдек, Бойсуннинг шифобахш гиёҳлари, сархил мевалари, асаларичилик маҳсулотлари, миллий таомлар ва миллий ҳунармандлик намойиши билан ҳам танишиш имконига эга бўлди.
[gallery-20161]
Сурхондарё вилоят ва туман ҳокимлиги, вилоят туризм бошқармаси ҳамкорлигида ташкил этилган фестивалда олма етиштиришда “Энг фаол маҳалла”, “Энг фаол ташкилот”, “Энг ширин олма боғи яратувчиси” каби танловлар ғолиблари аниқланди. Уларга ташкилотчилар томонидан диплом ва эсдалик совғалари топширилди.
Жонибек ҚЎЗИМУРОДОВ (сурат), ЎзА