Prima компанияси кўз шоҳпардаси имплантати бўйича илк клиник синовларни якунлади ва бу 38 нафар беморга ёш ўтиши туфайли ривожланадиган макуляр дегерация касаллиги оқибатида йўқолган кўриш қобилиятини тиклашга ёрдам берди. Бу касаллик туфайли бутун дунё бўйлаб тахминан 8 миллион одам марказий кўриш қобилиятидан айрилган.

Prima қандай ишлайди? Имплант симсиз фотоэлектрик чипдан иборат бўлиб, унинг ишлаш тизимига махсус кўзойнак ва кўчма процессор ҳам киради. Бундай тизим беморларга қайтадан китоб ўқиш, юзларни таниш ва кундалик ишлар билан шуғулланиш имконини беради.

Синов натижалари: Операциядан 6 ва 12 ой ўтгач, иштирокчиларнинг кўриш ўткирлиги сезиларли даражада яхшиланган, энг яхши натижаларда эса беморлар аввалги ҳолатига нисбатан 59 тагача ҳарфларни кўра олган. Энг муҳими, технология мавжуд кўриш қобилиятига салбий таъсир кўрсатмаган.

Стэнфордда бошланган ва Pixium Vision компанияси раҳбарлигида ривожлантирилган бу ишланма яқин йилларда оммавий қўлланилиши мумкин.

<iframe width="650" height="420" src="https://www.youtube.com/embed/Jh_75uOkejg" title="Olimlar implant yordamida koʻrish qobiliyatini toʻliq tikladilar" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

М.Турдалиева, А.Аҳмедов (видео), ЎзА