Ўзбекистон Республикаси Олий Мажлис Қонунчилик палатаси ҳамда маҳаллий Кенгашлар депутатлигига сайловлар Андижон вилоятининг барча туман ва шаҳарларида давом этмоқда. Андижонликлар сайловларда фаол ва кўтаринки кайфият билан иштирок этмоқда. Айниқса, нуроний отахон ва онахонларнинг бевосита сайлов участкаларига келиб овоз бераётганлиги ёшларга ибрат бўлмоқда.

Қўрғонтепа тумани Шаҳрихонсой маҳалласи, Зиёнур кўчасида яшовчи 100 ёшли Чиннихон она Ашурова тумандаги 5- умумтаълим мактабида ташкил этилган 863-сайлов участкасига 27 нафар оила-аъзолари – фарзандлари, келин, набира ва чеваралари билан келиб, овоз берганлиги таҳсинга лойиқ.

Чиннихон она 25 бор сайловларда иштирок этаётганлигини таъкидлаб, келгуси сайловларда ҳам қатнашишни ният қилди.  

Фарзандлари, участка сайлов комиссияси аъзолари кўмагида овоз берган онахон юртимизга тинчлик, тўкинлик тилаб дуо қилди.  

<iframe width="560" height="315" src="https://www.youtube.com/embed/02qjti9cWAY?si=t091hytNOJIuk7t_" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Ф. Убайдуллаев,

З. Умрзоқов (видео),

ЎзА мухбирлари