Жўқорғи Кенгес Раиси А.Оринбаев сайловда овоз берди
Қорақалпоғистон Республикаси Жўқорғи Кенгеси Раиси Аманбай Оринбаев Нукус шаҳридаги 7-сайлов участкасидан ўзи танлаган номзодга овоз берди.
Айни пайтда Оролбўйида ҳам Олий Мажлис Қонунчилик палатаси, Қорақалпоғистон Республикаси Жўқорғи Кенгеси, шаҳар ҳамда туман Кенгашлар депутатларига сайловлар қизғин давом этмоқда.
Мазкур сайлов участкасида 2 минг 602 нафар сайловчи рўйхатга олинган. Улардан 38 нафари илк бор овоз берувчи ёшлардир. Шунингдек, кекса ёшдаги ва ногиронлиги бўлган 35 нафар фуқаронинг яшаш жойларида овоз бериши ташкил этилган.
Довуд Абибуллаев,
ЎзА мухбири.