Марказий сайлов комиссиясининг Матбуот марказида навбатдаги брифинг бўлиб ўтди. Унда Ўзбекистон Республикаси Бош прокурори ўринбосари Ш.Аминов сайлов жараёнида фуқароларнинг ҳуқуқларини, шунингдек, қонунийликни таъминлаш бўйича йўлга қўйилган ишлар юзасидан маълумот берди.

Қайд этилганидек, қонунийликни таъминлаш, сайловга оид келиб тушган мурожаатларни тезкор, холис ва қонуний кўриб чиқилишини таъминлаш борасида прокуратура органлари ходимларидан иборат ишчи гуруҳлар тузилган.

Бош прокуратурада халқаро кузатувчилар билан учрашувлар ташкил қилинди. Марказий сайлов комиссияси билан мунтазам алоқалар йўлга қўйилган.

[gallery-20047]

Прокуратура органларига бугунга қадар сайлов масаласига оид 6 та мурожаат келиб тушган. Уларнинг 2 тасида Олий Мажлис Қонунчилик палатаси сайловига, 4 таси эса маҳаллий Кенгаш депутатлари сайловига оид.

Қайд этилганидек, ОАВ ва ижтимоий тармоқларда сайловга оид эълон қилинган хабар ва маълумотлар ҳам кузатиб борилди ва сайлов қонунчилиги бузилмагани аниқланди.

Шунингдек, брифингда фуқаролар сайлов қонунчилиги бузилиши ҳолатига дуч келганда, прокуратура органларининг 10-07 қисқа рақамига қўнғироқ қилиб, мурожаат қилиши мумкинлиги айтиб ўтилди.

Матбуот марказидаги навбатдаги брифингларни ЎзАда кузатиб боринг!

<iframe width="866" height="487" src="https://www.youtube.com/embed/s-7w4I6JqCE" title="Saylovida ovoz berish jarayoni qizgʻin ruhda davom etmoqda" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

М.Комилова,  

А.Алижонов,

Ё.Мелибоев, ЎзА мухбирлари