Bugun nikoh to‘yini o‘tkazayotgan Og‘abek Jo‘rayev va Hulkaroy Normurodovaning Ko‘kdala tumanidagi Beglamish mahallasida joylashgan 765-saylov uchastkasiga tashrifi barchaning kayfiyatiga ko‘tarinkilik bag‘ishladi.

Ular nikoh uyiga borishdan oldin to‘y kortejida saylov uchastkasiga kelib, konstitutsion huquqlaridan foydalandi va o‘zlari munosib deb bilgan nomzodlarga ovoz berdi.   

Ular kabi yana bir yosh oila, kuni kecha nikoh to‘yini o‘tkazgan Davron Imomov va Surayyo Jovliyeva esa Dehqonobod tumanining Tog‘aytemir qishlog‘ida joylashgan 200-saylov uchastkasida bo‘lib, o‘z siyosiy irodalarini ifoda etdi.   

O‘lmas Barotov, O‘zA muxbiri