Тошкент менежмент ва иқтисодиёт институти юртимизда дунёқараши кенг, билимли ва зукко ёш кадрларни тайёрлашга муносиб ҳисса қўшиб келмоқда. Шу билан бирга, бизнесни қўллаб-қувватлаш ва иқтисодиётни рақамлаштириш салмоғини оширишда ҳам фаоллик кўрсатмоқда.

Пойтахтимизда институт томонидан “Бизнесни қўллаб-қувватлаш ва иқтисодиётни рақамлаштириш: муаммолар, ечимлар ва хорижий тажриба” мавзусида илмий-амалий анжуман бўлиб ўтди.

Анжуманда бухгалтерия ҳисобини ривожлантиришнинг методологик асосларини такомиллаштиришнинг устувор йўналишлари, бизнес ва бошқарувда рақамли иқтисодиёт ҳамда сунъий интеллект технологиялари, молия ва солиқ соҳасидаги муаммолар, бизнесни бошқариш ва иқтисодиёт соҳасида рақобатбардош кадрлар тайёрлашнинг долзарб масалалари муҳокама қилинди.  

[gallery-19932]

Давлатимиз раҳбарининг "Ўзбекистон — 2030" стратегиясини «Ёшлар ва бизнесни қўллаб-қувватлаш йили»да амалга оширишга оид давлат дастури, Янги Ўзбекистоннинг тараққиёт стратегияси ва “Ўзбекистон – 2030” стратегиясида белгилаб берилган мазкур долзарб вазифаларнинг илмий-амалий жиҳатларини муҳокама қилиш асосида бу борада илмий асосланган таклиф ва амалий тавсиялар ишлаб чиқилди.   

Анжуман таҳрир ҳайъатига республика олий таълим муассасалари профессор-ўқитувчилари, илмий тадқиқотчилар ва соҳа мутахасcисларининг 150 дан ортиқ илмий мақолалари ҳамда маъруза тезислари тақдим этилган бўлиб, уларнинг энг саралари тўплам сифатида чоп этилади.   

<iframe width="640" height="420" src="https://www.youtube.com/embed/sYrTjrf5EeM" title="“Oʻzbekiston – 2030” strategiyasida belgilangan vazifalar ijrosi muhokama qilindi" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Муҳокама қилинган масалалар юзасидан тегишли давлат бошқарув органлари ва мутасадди ташкилотларга тақдим этиш учун хулоса ва тавсиялар тайёрланди.  

Улар бизнесни қўллаб-қувватлаш ва иқтисодиётни рақамлаштириш салмоғини ошириш ҳамда Янги Ўзбекистоннинг тараққиёт стратегияси ва “Ўзбекистон – 2030” стратегиясида белгиланган вазифалар ижросида муҳим аҳамият касб этади.  

Гулноза Бобоева,

Дониёр Ёқубов (видео),

Носиржон Ҳайдаров(сурат), ЎзА