12 октябрдан 11 ноябргача Ўзбекистон аҳолиси Цзицзиньшань-ATLAS кометасини махсус мосламаларсиз кўришлари мумкин бўлади. У сўнгги ўн йилликлардаги энг ёрқин кометалардан бири бўлиши мумкин.

Кузатиш учун энг яхши вақт — 18:30 дан -кейин. Венера ва Арктур юлдузи ўртасидаги уфқнинг ғарбий қисмига қараш керак бўлади.

Бу самовий жисмни Ердан кўриш имконияти ҳаётда фақат бир марта бўлади, чунки у бизга фақат 80 минг йилдан кейин қайтиб келади. Комета охирги марта Ер устидан учганида, неандерталлар ҳали ҳам сайёрада яшаётган эди.

Маълумотларга кўра, ҳозирги кунга қадар 4106 та комета аниқланган. XX – аср бошида кўплаб янги кометалар кашф этила бошланди, шу билан бирга уларга ном бериш қоидалари ҳам бир мунча ўзгарди. Бугунги кунда улар қуйидаги тартиб асосида номланади: кашф қилинган йили, комета кашф қилинган ойнинг ярмини англатувчи ҳарф ва ўша ойнинг ярмида кашф қилинганлигининг рақами. Масалан, 2019 йил январининг иккинчи ярмида кашф қилинган, иккинчи комета, 2019 В2 номини олди.

<iframe width="853" height="480" src="https://www.youtube.com/embed/-0ydtn8OA3E" title="Bugundan Sziszinshan-ATLAS kometasini koʻrishimiz mumkin" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

М.Турдалиева, А.Аҳмедов (видео), ЎзА