Тошкент – Андижон пуллик автомобиль йўлини қуриш лойиҳаси муҳокама қилинди
Мамлакатимизда транспорт соҳасини янада ривожлантириш, соҳага хусусий молиялаштиришни жалб қилиш борасида халқаро ҳамкорликлар кенгаймоқда.
Транспорт вазири Илҳом Маҳкамов Жаҳон банкининг Европа ва Марказий Осиёдаги транспорт сиёсати раҳбари Шомик Раж Меҳндиратта ҳамда инфратузилма дастури раҳбари Вей Винни Ванг билан учрашди.
Учрашувда транспорт соҳасини янада ривожлантириш, соҳага хусусий молиялаштиришни жалб қилиш имкониятларига эътибор қаратилган.
Шунингдек, Тошкент – Андижон пуллик автомобиль йўлини қуриш лойиҳаси ва банк томонидан мазкур лойиҳани амалга оширишни қўллаб-қувватлаш билан боғлиқ масалалар муҳокама қилинди, дейилади Транспорт вазирлиги маълумотида.
А. РУСТАМОВ, ЎзА