Волейбол: Ўзбекистон ўсмирлар ўртасидаги жаҳон чемпионатига мезбонлик қилади
2025 йил пойтахтимиз 19 ёшгача бўлган ўсмирлар ўртасидаги Жаҳон чемпионатига мезбонлик қилади.
Бу ҳақда Халқаро волейбол федерацияси президенти Ари Граса Ўзбекистонга ташрифи давомида эълон қилди.
Айтиш лозим, ушбу ёш тоифасидаги сўнгги жаҳон чемпионати 2023 йил Аргентинанинг Сан-Хуан шаҳрида ташкил этилган эди.
Франция терма жамоасининг ғалабаси билан якунланган мазкур чемпионатда французлар финалда Эрон терма жамоасини 3:1 ҳисобида мағлуб этган.
Жаҳон чемпионатининг бронза медали ўшанда АҚШни 3:1 ҳисобида енгган Корея Республикасига насиб қилган.
Т.Рўзиев, ЎзА