Қурилиш ва уй-жой коммунал хўжалиги соҳасида назорат қилиш инспекцияси томонидан пойтахтнинг Шайхонтоҳур туманидаги "Тошкент сити" ҳудудида жойлашган Real house турар жой биносида мониторинг ишлари ўтказилди.

Натижада объектда “Қурилишда хавфсизлик техникаси” қоидаларига риоя қилинмагани, шу билан бир қаторда ҳудуд қурилиш чиқиндиларидан тозаланмагани аниқланди.

Масъуллар ушбу қоидабузарликлар юзасидан буюртмачига бажарилиши мажбурий бўлган ёзма кўрсатмалар берди ва қурилиш-монтаж ишлари назоратга олинди, дейилади қурилиш инспекцияси хабарида.

Ш.Маматуропова, ЎзА