Тожикистоннинг Душанбе шаҳрида теннис бўйича J60 таснифига кирувчи ўсмирлар ўртасидаги “Tajikistan tennis Federation Cup” турнирининг яккалик баҳсларида икки теннисчимиз финал йўлланмасини қўлга киритди.

Аниқроқ айтадиган бўлсак, ёш теннисчимиз Аҳмаджон Тошмуҳаммедов мусобақанинг ярим финал баҳсида нейтрал теннисчи Иван Дороховни 7:6, 3:6, 6:2 ҳисобида таслим қилган бўлса, Нуриддин Бахтиёров ушбу босқичда нейтрал теннисчи Федор Алтуковни 6:2, 4:6, 7:5 ҳисобида енгди.

Шу тариқа Аҳмаджон ва Нуриддин мусобақанинг сўнгги ҳал қилувчи финал ўйинида бош соврин учун ўзаро рақобатлашадиган бўлди.

Жавоҳир Тошхўжаев, ЎзА