Вазирлик ахборот хизматига кўра, куни кеча энергетика вазири ўринбосари Умид Мамадаминов иштирокида Жиззах вилоятининг шаҳар ва туманларидаги жисмоний ҳамда юридик шахсларни қийнаб келаётган муаммоларни ўрганиш юзасидан сайёр қабул ташкил этилди.

Жисмоний ва юридик шахслар, электр ҳамда газ таъминоти корхоналари вакиллари қатнашган тадбирда электр энергияси, табиий ва суюлтирилган газ ҳамда кўмир таъминоти бўйича юзага келадиган муаммолар танқидий таҳлил этилди.

Шунингдек, унда энергия самарадорлиги ҳамда 2024/2025 йиллар куз-қиш даврида истеъмолчиларни энергия ресурслари билан барқарор таъминлашга тайёргарлик масаласи юзасидан тадбиркорларнинг муаммолари ўрганилиб, уларнинг ечими бўйича масъулларга тегишли топшириқлар берилди.

Айни пайтда ҳудудлар бўйлаб сайёр қабуллар давом этмоқда.

Н.Зиёдуллаева тайёрлади, ЎзА