Германия Федератив Республикаси Федерал Канцлери Олаф Шольц 15-16 сентябрь кунлари расмий ташриф билан мамлакатимизда бўлди.

Ушбу ташриф доирасида икки томонлама ўзаро манфаатли ҳужжатлар имзоланди. Ўзбекистон ва Германия ишбилармонлари иштирокидаги учрашувда ҳамкорлик йўналишлари белгилаб олинди. Олаф Шольцнинг юртимизга ташрифи билан боғлиқ тафсилотлар дунё ОАВ томонидан кенг ёритилди. Бу нашрлар Германиянинг Ўзбекистон билан қайси соҳаларда ҳамкорлик қилиши ва бу ҳамкорликнинг натижалари тўғрисида экспертларнинг тахминларини эълон қилдилар. Кўпчиликда қизиқиш уйғотган  жиҳатлардан яна бири Европанинг энг қудратли давлатларидан бири саналган Германиянинг айнан Ўзбекистон билан муносабатларини янада илиқлашиши бўлди, дейиш мумкин. Бугунги “Халқаро шарҳ” кўрсатувимизда сиёсий фанлар доктори Ойбек Сирожов икки давлат ўртасидаги ўзаро манфаатли  муносабатларнинг чуқурлашувидан юзага келадиган натижалар ҳақида фикр билдирган. Шунингдек,  бу муносабатлар нафақат юртимиз сиёсий-иқтисодий ҳаётида балки, қўшни мамлакатлар билан муносабатларда ҳам муҳим роль ўйнаши ҳақида ўз тахминларини баён қилган.  

Суҳбатни журналист Дилшод Бўриев олиб борган.

<iframe width="560" height="315" src="https://www.youtube.com/embed/LEPeR5iR9-U?si=d3DfjLXE-jjT5x8p" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Кенжа Бегжанов, Ёқуб Мелибоев, Анвархўжа Аҳмедов, ЎзА