КХДР конституцияни ўзгартирмоқчи
Мамлакат конституциясига ўзгариш киритиш билан боғлиқ масалаларни муҳокам қилиш учун 7 октябрь куни Пхеньянда Шимолий Корея Олий халқ мажлиси (Парламент) навбатдаги сессияси ўтказилади. Бу ҳақда КХДР расмий оммавий ахборот воситаларига таяниб, “Sky news” ёзган.
Шу йил январда бўлиб ўтган аввалги йиғилишда давлат раҳбари Ким Чен Ин Жанубий Корея “асосий рақиб” сифатида кўриладиган конституцияга ўзгартиш киритишга чақириб, энди жанубликлар билан бирлашишнинг иложи йўқ, деган хулосага келганини билдирганди.
Бу галги сессияда енгил саноат ва маҳсулот сифатини назорат қилиш билан боғлиқ масалалар ҳам муҳокама қилинади.