Сув хўжалиги вазири Шавкат Хамраев 1964 йил 13 август куни Бухоро шаҳрида туғилган.

У Тошкент ирригация ва қишлоқ хўжалигини механизациялаш муҳандислари институтини (1986 йил) ва Ўзбекистон Республикаси Президенти ҳузуридаги Давлат ва жамият қурилиши академиясини муҳандис-гидротехник ҳамда давлат ва жамият қурилиши мутахассислиги бўйича тамомлаган (2001 йил).

Меҳнат фаолияти давомида турли масъул лавозимларда ишлаган. Хусусан, 2005 йилда Ўзбекистон Республикаси Олий Мажлиси депутати, 2018 йилдан Қорақалпоғистон Республикаси Жуқорғи Кенгеси депутати сифатида фаолият кўрсатган.  

2018 йил 12 февралдан буён Ўзбекистон Республикаси Сув хўжалиги вазири лавозимида ишлаб келмоқда.

Шавкат Хамраев бир қатор давлат мукофотлари билан тақдирланган. Жумладан, 2011 йилда «Дўстлик» ордени, 2016 йилда «Қорақалпоғистон Республикасида хизмат кўрсатган ирригатор» унвони, 2017 йилда «Ўзбекистон Республикасида хизмат кўрсатган ирригатор» фахрий унвони, 2018 йилда Тожикистон Республикасининг «1-даражали Шараф» ордени билан мукофотланган.

***

Сайтимизда ташкил этилган «Бугун туғилган кун» лойиҳасида турли соҳаларда мамлакатимиз равнақига ўз ҳиссасини қўшган ва қўшаётган инсонлар, давлат ҳамда жамоат арбоблари, академиклар, эл севган ижодкорлар ҳамда касби, танлаган йўлида юқори натижаларга эришаётган ватандошларимизнинг туғилган кунлари эсга олинади.

Мазкур рукнга оид фикр-мулоҳазаларингиз, таклиф ёки қўшимчаларингиз бўлса, қуйидаги манзилларга мурожаат қилишингиз мумкин.  

Телеграм: @UzA_pochta, @U_Qurbonov  

E-mail: pochta@uza.uz, uzauz@yandex.ru