“Ўзэнергоинспекция” ахборот хизматининг хабарига кўра, Бухоро вилояти Бухоро туманидаги “Б.” МФЙ ҳудудида фаолият юритувчи фермер хўжаликлари қуввати 55 кВт бўлган сув насосини тижорат мақсадида электр тармоғига ўзбошимчалик билан улаган ва ўғринча электр энергиясидан фойдаланган. Бу ишлар оқибатида тизимга 3,9 миллиард сўм миқдорида зарар келтирилган.

Айни кунларда мазкур ҳолат юзасидан Жиноят кодексининг 169-моддаси (ўғрилик) билан жиноят иши қўзғатилиб, тергов ҳаракатлари олиб борилмоқда.

Н.Зиёдуллаева тайёрлади, ЎзА