Бугунги кунда ёшларимизнинг Президент мактабларида ўқиш истаги жуда кучли. Буни Фарғона вилоятида бўлиб ўтган кириш имтиҳонларидан яққол билиш мумкин.

Фарғона ва Марғилон шаҳрида тест синовлари учун ҳар томонлама тайёрланган 10 та бинода умумтаълим мактабларининг 4-синфини тамомлаган 7 минг 17 нафар ўқувчи иштирок этди. Бир ўринга қабул қилинган ҳужжатлар бўйича энг юқори кўрсаткич Фарғона вилоятига 293 та ҳужжат тўғри келди.   

Фарғона шаҳридаги Президент мактабининг 5-синфига 24 нафар ўқувчи қабул қилинади. Шаҳардаги Олимпия ва паралимпия спорт турларига тайёрлаш марказида ҳам ўқувчилар учун барча шароитлар яратилди. Имтиҳонларнинг илк босқичи очиқ ва шаффоф ҳолда бўлиб ўтди.   

Шунингдек, вилоятнинг анклав ҳудудда жойлашган Сўх туманида ариза топширган ўқувчилар ҳам кириш имтиҳонларида иштирок этиши учун барча шароитлар яратилди.  

[gallery-18172]

Президент мактабларининг 2-босқич кириш имтиҳонлари эса 26 июль куни ўтказилиши режалаштирилган.  

М.Сулаймонов, М.Қодиров (сурат), ЎзА