Андижон давлат педагогика институтида 2024/2025 ўқув йили учун алоҳида иқтидор талаба қилувчи таълим йўналишларига касбий (ижодий) имтиҳонлар бўлиб ўтмоқда.

Шу кунларда Мусиқа таълими, Тасвирий санъат ва муҳандислик графикаси ҳамда Жисмоний маданият йўналишларига ҳужжат топширган абитуриентлар учун ижодий (касбий) имтиҳонлар ўтказилмоқда.

Имтиҳон ўтказиладиган ҳудудлар тўлиқ камера кузатувида ва imtihon.adpi.uz сайти орқали реал вақт режимида кузатиш имконияти яратилган. Ота-оналар учун кутиш майдонлари ташкил этилган бўлиб, майдонга ўрнатилган мониторларда кузатув камералари орқали имтиҳон жараёнларини кузатиб бориш мумкин. Ҳудудда хавфсизликни таъминлаш учун ИИБ ҳамда тиббиёт ходимлари жалб этилган.

[gallery-18165]

Зуҳриддин УМУРЗОҚОВ (сурат), ЎзА