Тошкент халқаро аэропорти автотураргоҳи ҳудудида ёнғин содир бўлди
Тошкент халқаро аэропорти яқинида ёнғин содир бўлгани акс этган видео ижтимоий тармоқларга тарқалди.
Тошкент шаҳар Фавқулодда вазиятлар бошқармаси матбуот хизматининг маълум қилишича, 6 июль куни соат 11:20 атрофида Тошкент шаҳар Сергели тумани Тошкент халқаро аэропорти автотураргоҳида жойлашган кафеларнинг бирида ёнғин содир бўлди.
Воқеа жойига ёнғин-қутқарув экипажлари соат 11:28 да етиб бориб, ёнғин соат 11:32 да ўчирилган.
Ёнғин натижасида кафе биносининг 5 кв.м. шифт қисми ёниб зарарланган. Ҳозирда ёнғин сабаби ва келтирган зарар аниқланмоқда. Ёнғин натижасида тан жароҳати олган ва ҳалок бўлган фуқаролар йўқ.
Ш.Маматуропова, ЎзА