Франциянинг Труа шаҳрида теннис бўйича «Челленжер» туркумига кирувчи мусобақанинг чорак финалида ҳамюртимиз Денис Истомин ғалаба қозонди.

Жуфтлик баҳсларида мамлакатимиз шарафини ҳимоя қилаётган Денис Истомин нейтрал теннисчи Евгений Карловский билан тандем ҳосил қилган ҳолда чорак финалда франциялик Константин Биттоун ва украиналик Владимир Ужиловский дуэтини 7:5, 6:2, 10:1 ҳисобида таслим қилди. Шу тариқа, ярим финалга йўлланма олган Денис ва Евгений ушбу босқичда нейтрал теннисчи Марат Шарипов ва зимбавиялик Жон Лок билан рақобатлашади.

Маълумот ўрнида: турнирнинг яккалик баҳсларида афсуски, Ҳумоюн Султонов иккинчи даврада иштирокини якунлади.  

Жавоҳир Тошхўжаев, ЎзА