![](https://cdn.uza.uz/2024/07/01/13/54/TeFPSGbZsY7huXcG2Ctl6qteU2V2c5kS_normal.jpg)
Xitoyning janubida joylashgan Makao yarim orolida sambo bo‘yicha kattalar o‘rtasida o‘tkazilgan Osiyo-Okeaniya chempionati mamlakatimiz sportchilari uchun muvaffaqiyatli yakunlandi.
21 ta davlatdan 300 nafarga yaqin sportchi ishtirok etgan chempionat sarhisobiga ko‘ra, O‘zbekiston terma jamoasi a’zolari 8 ta oltin, 1 ta kumush, 10 ta bronza medalini qo‘lga kiritdi.
![](https://cdn.uza.uz/2024/07/01/13/54/2WBzSpEXlvXq3LlTbqLtuseK3S3VeMYa_front.jpg)
Osiyo-Okeaniya chempionatida mahoratli sambochilarimizdan Ilhom Farmonov, Sardor Olimjonov, Ubaydullo Mo‘minov, Feruza Xo‘rozova sport sambosida, Sohibjon Hasanboyev, Ozodbek Murotov, Ziyod Hakimboyev va Gulsevar O‘roqova jangovar sambo bellashuvlarida oltin medalga sazovor bo‘ldi.
![](https://cdn.uza.uz/2024/07/01/13/54/XpT4V1IDe3SJrcW61CNL8A99X8vlnNrV_front.jpg)
Osiyo-Okeaniya chempionatida zafar quchgan sambochilarimiz bugun yurtimizga qaytib keladi.
T.Ro‘ziyev,
O‘zA