Хитойнинг жанубида жойлашган Макао ярим оролида самбо бўйича катталар ўртасида ўтказилган Осиё-Океания чемпионати мамлакатимиз спортчилари учун муваффақиятли якунланди.

21 та давлатдан 300 нафарга яқин спортчи иштирок этган чемпионат сарҳисобига кўра, Ўзбекистон терма жамоаси аъзолари 8 та олтин, 1 та кумуш, 10 та бронза медалини қўлга киритди.  

Осиё-Океания чемпионатида маҳоратли самбочиларимиздан Илҳом Фармонов, Сардор Олимжонов, Убайдулло Мўминов, Феруза Хўрозова спорт самбосида, Соҳибжон Ҳасанбоев, Озодбек Муротов, Зиёд Ҳакимбоев ва Гулсевар Ўроқова жанговар самбо беллашувларида олтин медалга сазовор бўлди.

Осиё-Океания чемпионатида зафар қучган самбочиларимиз бугун юртимизга қайтиб келади.  

Т.Рўзиев,

ЎзА