Бельгиянинг Брюссель шаҳрида М25 тоифасига кирувчи халқаро теннис турнири ўтказилди. Унда мамлакатимизнинг биринчи рақамли теннисчиси Ҳумоюн Султонов муваффақиятли иштирок этди.

Мазкур турнирнинг яккалик баҳсларида Ҳ.Султонов финалга қадар барча рақибларини енгиб, финалда нидерландиялик Максим Хаукесга қарши кортга чиқди. Афсуски, бош соврин учун ўтган ўйинда теннисчимизга бироз омад етишмади. Шундай бўлса-да, Ҳумоюн Султонов мусобақанинг вице-чемпиони сифатида эътироф этилди.   

Маълумот ўрнида: Ҳумоюн Султонов Бельгияда ўтказилган икки нуфузли мусобақанинг вице-чемпионига айланди ва ўзи учун қимматли бўлган ATP рейтинг очколарини қўлга киритди.   

Жавоҳир Тошхўжаев, ЎзА