«Тошкент» халқаро аэропортининг вокзал майдонида «Терминал» ресторани очилди.

Uzbekistan Airports компаниясидан олинган маълумотларга кўра, илгари Jum бренди остида фаолият юритган кафе ўтган йили операторларини ўзгартирган. E-auksion.uz платформасидаги савдо якунларига кўра, Airpit Services компанияси ғолиб деб топилган. Ижарачи биноларни тўлиқ таъмирлаб, «Терминал» номли янги овқатланиш шаҳобчасини тақдим этди.  

Airpit Services оператор-компанияси вакилларининг сўзларига кўра, ресторанда миллий ва Европа таомлари, фастфуд, бизнес-ланч, алкоголли ва алкоголсиз ичимликлар тақдим этилган. Бу йўловчилар, уларни кутиб олувчилар ва кузатувчилар ҳамда аэропорт ходимлари учун қулай бўлади.  

 «Терминал» ресторани июль ойининг ўрталаригача ҳар куни соат 10:00 дан 22:00 гача ишлайди. Кейин, аэропортдаги барча тижорат шаҳобчалари каби тун-кун ишлаш тартибига ўтади.  

Роман БОНДАРЧУК тайёрлади, ЎзА