Бугун, 26 июнь куни Руминия пойтахти Бухарест шаҳрида шахмат бўйича "Grand Chess Tour" сериясига киритилган биринчи нуфузли мусобақа –"Superbet Chess Classic Romania" турнири бошланади.

Дунёнинг етакчи гроссмейстерлари россиялик Ян Непомняший, ҳиндистонлик Гукеш Доммаражу, америкалик Фабиано Каруана, Франция вакили Алиризо Фируджа, АҚШлик Уэсли Со, франциялик Максим Вашье – Лагрев, ҳиндистонлик Рамешбабу Праггнанандҳа, нидерландиялик Аниш Гири, руминиялик Богдан-Даниэль Дьяк қаторида ҳамюртимиз Нодирбек Абдусатторов ҳам ушбу турнирда ғолиблик учун кураш олиб боришга ҳозирлик кўрмоқда.  

Кеча мусобақа олдидан ташкил этилган қуръа натижасига кўра, Нодирбек Абдусатторов турнирнинг 1-турида ҳиндистонлик Рамешбабу Праггнанандҳа билан баҳс олиб боради. Ушбу ўйинда ҳамюртимиз оқ доналарда дона суради. 1-тур мусобақаларида шунингдек, Алиризо Фируджа – Фабиано Каруана, Максим Вашье-Лагрев – Ян Непомняший, Гукеш Доммаражу- Богдан – Даниэль Дес, Аниш Гири – Уэсли Со рўбарў келади.  

Эслатиб ўтамиз, 5 июлгача давом этадиган "Superbet Chess Classic Romania" турнирининг умумий мукофот жамғармаси 350 минг АҚШ долларидан иборат этиб белгиланган.  

Т. Рўзиев, ЎзА  

 

--0--