Қозон шаҳрида «БРИКС» ўйинлари поёнига етиши билан татар корэши бўйича катталар ўртасидаги жаҳон чемпионати беллашувлари ўтказилди.

«БРИКС» ўйинларининг белбоғли кураш спорт турининг йўналишларидаги мусобақаларда 29 та медаллар шодасини қўлга киритган мамлакатимиз спортчилари татар корэши бўйича ўтган жаҳон чемпионатида ҳам муносиб натижаларни қайд этди.

31 та давлатдан 300 нафарга яқин спортчи иштирок этган жаҳон чемпионатида белбоғли курашчиларимиз 1 та олтин, 7 та кумуш ва 6 та бронза медалларига сазовор бўлди.

Маҳоратли спортчиларимиздан Ҳусниддин Рўзиев 85 килограммда ғолиблик шоҳсупасига кўтарилган бўлса, ўз вазн тоифаларида Нодир Абдумаликов, Ойбек Султонов, Илҳом Машрабов, Жасурбек Исроилов, Нодирбек Аҳатжонов, Илёсбек Мирзаҳмедов, Ҳислат Пирматов кумуш, Жамолиддин Неъматуллаев, Мардонбек Кимсанбоев, Азизжон Азимжонов, Нусрат Султонбоев, Бекзодбек Камолиддинов, Аъзамжон Анваржонов бронза медалига эга чиқди.

Т. Рўзиев, ЎзА