Ҳумоюн Султонов Бельгияда вице-чемпион бўлди
Бельгиянинг Дюффель шаҳрида эркаклар ўртасида ўтказилган теннис бўйича M25 таснифига кирувчи «Gonzalez Academy event» халқаро турнири якунланди.
Турнир яккалик баҳсларида мамлакатимизнинг биринчи рақамли теннисчиси бўлган Ҳумоюн Султонов финалда австриялик Сандро Коппга қарши кортга тушди. Кутилмаганда имкониятни бой бериб қўйди ва мусобақанинг вице-чемпионига айланди.
Маълумот ўрнида: энди Ҳ.Султоновнинг айнан Бельгияда 24-30 июнь кунлари ўтадиган M25 тоифасидаги «BRUSSELS OPEN – 2024» турнирида иштирок этиши кутилмоқда.
Жавоҳир Тошхўжаев, ЎзА