Россияда от спорти бўйича ўтказилган «Maxima masters Eurasia» туркумига кирувчи «Maxima stables» халқаро турнирида Ўзбекистон терма жамоаси аъзолари муваффақиятли иштирок этди.

Мусобақанинг 4 ёшгача бўлган тулпорлар баҳсида чавандозимиз Алена Деревянко ўзининг янги «Пикассо» исмли оти билан чиқиш қилиб, 2 та олтин медални қўлга киритди. Тўсиқ баландлиги 95 см. бўлган йўналишда эса Эрмуҳаммад Фозилхўжаев ўзининг «Лотус» лақабли оти билан ғолиб бўлган бўлса, тўсиқ баландлиги 110 см. йўналишда Бекзод Эргашбоев «Скарлет» тулпори билан шоҳсупанинг энг юқори поғонасидан жой олди. 

Шунингдек, бир қатор йўналишларда чавандозларимиз ўз отлари билан шоҳсупага кўтарилди. 

Жавоҳир Тошхўжаев,

ЎзА