Сув спорти турлари бўйича Республика олий спорт маҳорати мактабида U13 ёш тоифасида сув полоси бўйича мамлакатимиз чемпионати ўтказилмоқда. Унда 5 та қизлар ва 4 та ўғил болалардан иборат жами 9 жамоа ўзаро рақобатлашмоқда.

Мазкур ёш тоифасидаги терма жамоамиз таркибига янги номларни қўшиш, ва жамоа захирасини янада яхшилаш мақсадида ташкил этилган мазкур чемпионатнинг илк турида қизлар ўртасидаги Сурхондарё ва Тошкент шаҳри жамоалари баҳси 0-14 ҳисобида якунланди. Хоразм жамоаси эса Жиззахни 15-13 ҳисобида енгди. 

Ўғил болалар ўртасидаги баҳсда Сирдарё кутилмаганда Наманган жамоасига 0-21 ҳисобида имкониятни бой бериб қўйган бўлса, Тошкент шаҳри жамоаси жиззахлик сув полочиларни 19-4 ҳисобида енгди. 

Ўзбекистон чемпионати ғолиб ва совриндорлари 21 июнь куни аниқланади. 

Жавоҳир Тошхўжаев, ЎзА