Бир қути ипак қуртини боқиб, пиллага айлантиришнинг ўзи бўлмайди. Боиси, бу иш тинимсиз меҳнат ва тажрибани талаб қилади. Избосканлик устоз пиллакор Хадича она Исроилова турмуш ўртоғи ва фарзандлари билан ҳар йили камида 5 қутигача ипак қуртларини парваришлайди.
– Уч гектар плантация тайёрлаганмиз, – дейди Хадича Исроилова. –Пилла боқишга имкониятимиз бор, барг бор, ишчи кучи етарли. Шунинг учун ҳам бу йил 20 қути пилла қурти боқдик. Пилла етиштиришда янги инновацияларни қўллашга қизиқаман. Бу йил ҳам шундай бўлди.
Онахон янгиликка қўл урди – ипак қуртларини тут шохларига эркин қўйиб юборди. Хоҳлаганда барг еб, хоҳлаганда уйқуга кетган қуртларнинг пилласи ҳам оппоқ ва катта шаклга кирди. Буни қарангки, инновация фойда келтириб, биринчи уринишдаёқ пилла нормаси бажарилди.
Гулноза Бобоева, ЎзА