Эронда Конституциясини қўриқлаш кенгаши томонидан 28 июнга белгиланган президентлик сайловида иштирок этадиган номзодларни саралаш якунланди.

Даъвогарларнинг содиқлиги, сиёсий, ахлоқий ва диний қараши текширилди.

Танлов жараёнида парламент спикери Муҳаммад Багир Ғолибоф, Теҳрон мэри Алиризо Закўний ва маънавият етакчисининг Эрон Ислом Республикаси Хавфсизлик Кенгашидаги вакили Саид Жалилий қатнашди. Жумладан, депутат Маъсуд Пазашкиён, собиқ мамлакат прокурори Мустафо Пурмуҳаммадий ва вице-президент Ғозизода Ҳошимий ҳам президентлик пойгасида иштирок этиш ҳуқуқини қўлга киритди.

Мўътадил қанотга мансуб сиёсатчи, парламентинг собиқ спикери Али Ларижоний, собиқ президент Маҳмуд Аҳмадинажод ва биринчи вице-президент Исҳоқ Жаҳонгирийга рухсат берилмаган.

Кенгаш розилигини олган номзодлар сайлов олди ташвиқотини 27 июнь куни соат 08.00 га қадар давом эттириши мумкин.