“Бизнесни ривожлантириш банки”, “BRB Tech” компанияси ва “Ўзбекистон IТ ҳамжамияти” ўртасида ҳамкорлик меморандуми имзоланди.

Томонлар қуйидаги йўналишларда ҳамкорликни амалга оширади: 

• IТ соҳасидаги мутахассислар учун хакатон тадбирларини ўтказиш; 

• Сунъий интеллект технологияларини банк соҳасига жорий этиш йўналишида ўрганишларни олиб бориш; 

• Банк учун IТ мутахассисларни тайёрлаш; 

• Ўзаро манфаатли қўшма анжуманлар, тадбирлар, семинарлар, академик машғулотлар ташкил этиш; 

• Илмий-тадқиқот фаолиятини амалга ошириш; 

• Мамлакатимизда ахборот технологиялари жамиятини янада ривожлантириш учун устувор аҳамиятга эга бўлган тадқиқотларни татбиқ этиш; 

• Ўзаро келишув бўйича бошқа йўналишлар. 

Маълумот учун: Ўзбекистон IТ ҳамжамияти 6000 дан ортиқ IТ мутахассислар ва 200 та волонтёрлардан иборат мамлакатдаги энг йирик IТ ҳамжамияти бўлиб, Ўзбекистонда ахборот технологияларини ривожлантириш ва қўллашга киришган IТ мутахассислар, тадбиркорлар, талабалар, компания ва ташкилотларни бирлаштирувчи куч ҳисобланади. 

Банк ахборот хизмати

Реклама ҳуқуқи асосида