Жорий йилнинг 19-30 июнь кунлари Шимолий Македониянинг Скопье шаҳрида гандбол бўйича 20 ёшгача бўлган қизлар ўртасида XXIV жаҳон чемпионати бўлиб ўтади. Унда Ўзбекистон U20 қизлар терма жамоаси ҳам иштирок этади.

Мусобақада дунёнинг 32 давлат терма жамоаси 8 гуруҳга бўлиниб, гуруҳ баҳслари 19-22 июнь кунлари бўлиб ўтади. Асосий босқич ва Президент кубоги ўйинлари 23-25 июнга мўлжалланган. Шунингдек, 27 июнда чорак, 28 июнь куни ярим финал баҳслари бўлиб ўтади. Финал баҳси 30 июнга белгиланди.

Чемпионатнинг гуруҳ босқичига ташланган қуръа натижасига кўра, терма жамоамиз «G» гуруҳида Португалия, Черногория ва Гвинея термаларига қарши баҳс олиб боради.

Терма жамоамиз гуруҳ босқичидаги илк ўйинини 19 июнь куни Черногорияга қарши ўтказади. 21 июнда эса Португалия, 22 июнь куни Гвинея термасига қарши саф тортади.

Жавоҳир Тошхўжаев, ЎзА