Қозоғистоннинг Олмаота шаҳрида пара велоспортнинг шоссе йўналиши бўйича ўтказилган Осиё чемпионатида муваффақиятли иштирок этган пара велоспортчиларимиз бугун эрта тонгда юртимизга қайтиб келди.

Матонатли пара спортчиларимизни Ўзбекистон Миллий паралимпия қўмитаси биносида қўмита мутасаддилари, оммавий ахборот воситалари ходимлари ва пара велоспортчиларнинг оила аъзолари катта тантана билан кутиб олди.

Эслатиб ўтамиз, қитъа биринчилигида терма жамоамиз 10 та олтин, 3 та кумуш ва 6 та бронза, жами 19 та медаль жамғариб, умумжамоа ҳисобида биринчи ўринни эгаллади.

 

Жавоҳир Тошхўжаев, ЎзА