Футбол: олимпиячиларимиз Мали билан дуранг ўйнади
Футбол бўйича Ўзбекистон Олимпия терма жамоаси Олимпиадага тайёргарлик доирасида Мали термасига қарши ўртоқлик ўйинини ўтказди.
«Бунёдкор» стадионида ташкил этилган ушбу ўйинда Ўзбекистон Олимпия терма жамоаси 1:1 ҳисобида дуранг қайд этди. Учрашувда вакилларимиздан Алишер Одилов, рақиблардан эса Траоре гол урди.
Энди Темур Кападзе шогирдлари Мали термаси билан иккинчи назорат ўйинини 10 июнь куни ўтказади.
Жавоҳир Тошхўжаев, ЎзА