Жанубий Кореядаги “Samsung Electronics” компанияси касаба уюшмаси Сеулда ўз тарихида илк бор иш ташлаш ўтказди.

Тахминан 28 минг аъзоси бор, компания ишчи кучининг бешдан бирини ташкил этувчи “Samsung” миллий электроника уюшмаси (NSEU) маошни оширишни талаб қилиб, бир кунга ишни тўхтатиб қўйишини маълум қилган. Хорижий ОAВ хабарига кўра, иш ташлаганлар “Меҳнатимизни ҳурмат қилинг! Биз 6,5 фоиз ўсишни ёки 200 фоиз бонусни хоҳламаймиз!” деган шиорлар билан чиқишган.

“Samsung” “Reuters” агентлигига маълум қилишича, иш ташлаш ишлаб чиқариш ёки бизнес фаолиятига ҳеч қандай таъсир кўрсатмай, дунёдаги энг йирик смартфон ва ярим ўтказгич ишлаб чиқарадиган мазкур компания нуфузига таъсир кўрсатади.