Ўзбекистонда ижтимоий нафақа ва моддий ёрдам олувчиларга ажратилган маблағ маълум қилинди
Ижтимоий ҳимоя миллий агентлиги кам таъминланган оилаларга ажратилган ижтимоий нафақалар ва моддий ёрдамлар бўйича маълумот берди.
Қайд этилишича, жорий йил 1 июнь ҳолатига кўра, республикамиз ҳудудида жами оилалар сони 9 миллион 729 минг 960 нафарни ташкил этади. Шундан ижтимоий нафақа ва моддий ёрдам олувчи оилалар сони 1 миллион 209 минг 936 та бўлиб, уларга тўланган маблағ 584 миллиард 354,3 миллион сўмни ташкил қилади.
Шундан 1 миллион 170 минг 580 нафар оилага 569 миллиард 555,3 миллион сўм миқдорида болалар нафақаси, 39 минг 356 оилага 14 миллиард 799 миллион сўм миқдорда моддий ёрдам пуллари тўлаб берилган.
Республикамизнинг жами оилалари сонига нисбатан ижтимоий нафақа ва моддий ёрдам олувчи оилаларнинг улуши 12 фоизни ташкил этади.
Ш.Маматуропова, ЎзА