“Uzbekistan Airways” авиакомпанияси “Uzbekistan Airways Express” рейслари учун қўл юкининг бепул ташиш нормасини оширди. Эндиликда йўловчилар аввалги беш килограмм ўрнига саккиз килограмм қўл юкини олиб ўтиши мумкин.

Мазкур авиарейслардаги багаж ташиш шартлари багаж ташиш ҳуқуқи бор бўлган таърифлар бўйича авиачипталарни харид қилган йўловчилар учун аввалгидек қолади. Шундай қилиб, катталар ва икки ёшдан ошган болалар учун ортиғи билан 23 килограммгача юк ташишга рухсат берилади. 

Шунингдек, бепул багаж ташиш қоидалари ва меъёрлари мавжуд бўлиб, зарурат туғилганда авиакомпанияда уларга аниқлиқ киритиб олиш керак. 

Роман БОНДАРЧУК тайёрлади, ЎзА