Poytaxtimizda mukofot jamg‘armasi 166 ming AQSH dollaridan iborat "Uzchess Cup" turniri boshlandi.

Dunyoning eng nomdor “aql gimnastikachi”lari ishtirok etayotgan ushbu turnirda shaxmatchilar Xalqaro шахмат federatsiyasidagi reyting ko‘rsatkichiga ko‘ra, "Masters", "Challengers" va "Futures" guruhlarida g‘oliblik uchun kurash olib boradi. 

Nomdor grossmeysterlar ishtirok etayotgan musobaqaning "Masters" guruhida hamyurtlarimiz Nodirbek Abdusattorov, Javohir Sindorov, Nodirbek Yoqubboyev bosh sovrin uchun kurashda Vidit Santosh Gujrati (Hindiston), Parham Magsudlu (Eron), Shahriyor Mamedyarov (Ozarbayjon), Aleksandr Grishuk (FIDE), Yu Yang Yi (Xitoy), Richard Rapport (Ruminiya), Aleksey Sarana (Serbiya) kabi kuchlilar bilan ro‘baro‘ keladi. 

[gallery-17735]

Musobaqa oldidan tashlangan qur’a natijasiga ko‘ra, "Masters" guruhining 1-turida Nodirbek Abdusattorov oq donalarda Parham Magsudlu bilan, Javohir Sindorov va Nodirbek Yoqubboyev qora donalarda Yu Yang Yi va Richchard Rapport bilan kuch sinashadi. 

"Challengers" guruhida hamyurtlarimizdan Jahongir Vohidov turkiyalik Mustafa Yilmazga qarshi, Shamsiddin Vohidov germaniyalik Aleksandr Donchenkoga qarshi dona suradi. 

"Futures" guruhida mahoratli shaxmatchilarimizdan Muhammadzohid Suyarov, Muhiddin Madaminov va Humoyun Begmuratov yurtimiz sharafini himoya qilishi belgilangan. 

Jahon shaxmat olami e’tiboridagi mazkur "Uzchess Cup" turniri 15 iyunga qadar davom etadi. 

T.Ro‘ziyev, O‘zA