Ўзбекистон ташқи ишлар вазири Бахтиёр Саидов Ҳиндистоннинг янги элчиси этиб тайинланган Смита Пантни қабул қилди.

Учрашувда қишлоқ хўжалиги, туризм, транспорт-логистика каби муҳим соҳаларда алоқа кўламини янада кенгайтириш бўйича биргаликдаги саъй-ҳаракатлар муҳокама қилинди. Савдо ва инвестиция ҳамкорлигини ривожлантириш асосий мақсад бўлиб қолиши қайд этилди.

Смита Пант 2020 йилдан буён Ҳиндистоннинг Тошкентдаги элчихонасига раҳбарлик қилиб келган Маниш Прабхат ўрнига тайинланди.