Шаҳрисабз давлат педагогика институтида “Маърифат улашиб” лойиҳаси доирасида “Юзма-юз” деб номланган маънавий-маърифий тадбир бўлиб ўтди.

Кечада Ўзбекистон Ёзувчилар уюшмаси раисининг ўринбосари, таниқли шоир Ғайрат Мажид, ижодкорлар, уюшма аъзолари Салоҳиддин Исомиддинов, Жамшид Ҳақберди, шоир Саъдулла Турдиев, ёзувчи Иброҳим Муҳаммад, ўқитувчилар, талаба-ёшлар жам бўлди.  

Адабий кечада иштирокчи ижодкорларнинг фаолияти, асарлари ҳақида қатнашчиларга батафсил маълумот берилди. Юртимизда кечаётган маърифий янгиланишлар, адабиётга, маънавият ва маърифатга эътибор хусусида батафсил сўз юритилди.  

– Бугун мамлакатимизда китобхонликни ривожлантириш масаласига катта эътибор қаратилмоқда, – деди Ғайрат Мажид. – Бундай эзгу ташаббус замирида халқимиз, айниқса, ёшларнинг савияси, дунёқарашини юксалтиришдек мақсадлар мужассам.  

Адабий анжуманда ушбу институтга Ўзбекистон Ёзувчилар уюшмасининг совғалари – адабий-бадиий китоблар жамланмаси топширилди.  

Талабалар ўз ижод намуналаридан ўқиди. Бундай маърифий мулоқотлар доимий ўтказилиши кераклиги ҳақида таклифлар билдирилди.   

                                                                              Н.Усмонова, ЎзА