Пойтахтимизда енгил атлетика бўйича Ўзбекистон очиқ чемпионати баҳслари бўлиб ўтмоқда.

Чемпионатнинг биринчи кунида ўтказилган баҳсларда Нодир Муталипов (Андижон), Жасмина Мансурова (Самарқанд), Юлианна Шукина (Тошкент ш.), Рашидбек Содиқов (Тошкент ш.), Дилшода Усмонова (Андижон), Муҳаммадқодир Соатов (Сирдарё), Дилшодбек Бобоқулов (Навоий), Шарифа Давронова (Самарқанд), Малика Ражабова (Бухоро), Асадбек Муродов (Фарғона), Екатерина Тунгускова (Фарғона), Сухроб Хўжаев (Тошкент ш.) каби спортчилар маҳорат бобида тенгсиз эканини намоён этиб, шоҳсупанинг энг юқори поғонасидан жой эгаллашди.

Шунингдек, BYD Тошкент VI халқаро марафонида Шоҳруҳ Давлатов ва Екатерина Тунгускова “BYD Song Pro” соҳибига айланишганидан хабарингиз бор. Мусобақа доирасида Шоҳруҳ Давлатов ва Екатерина Тунгусковага автомашина калити тантанали суратда топширилди.

[gallery-17665]

 Енгил атлетика бўйича мамлакат очиқ чемпионати баҳслари эртага, 2 июнь куни ниҳоясига етади.

Муҳаммад АМИН (сурат), ЎзА