Устозлик мартабаси энг буюк мақомдир. Зеро, башариятнинг энг афзал вакиллари бўлмиш пайғамбарлар ҳам устоз, муаллим қилиб юборилганлар. Мана шунинг ўзи ҳам устозлик нақадар юксак мартаба эканлигини кўрсатади. Дарҳақиқат, ўзгаларга илму маърифат зиёсини тарқатиш бениҳоя улуғ ва савобли амал. Бу вазифага мутасадди бўлган кишининг даражаси ҳам мислсиздир.

Устозлар жамиятимизга сув ва ҳаводек зарурдир. Бу муҳтарам зотларни бамисоли атрофга ўз нурини сочаётган қуёшга ўхшатсак бўлади. Қуёшнинг нуридан барча мавжудот фойдаланганидек уларнинг маърифат зиёларидан бутун башарият наф олади. Оламни қуёшсиз тасаввур қилиб бўлмаганидек жамиятни ҳам бу улуғ зотларсиз тасаввур қилиб бўлмайди.

25 май куни юртимиз бўйлаб барча таълим масканларида "Сўнгги қўнғироқ" тадбирлари кенг нишонланади. Ушбу сана арафасида "Ўзбегойим" лойиҳасига айнан шундай шарафли ва масъулиятли касбга умрини бағишлаган, миллионлаб ўқувчиларнинг севимли устозига айланган, 42 йил давомида ўқитувчилик қилиб келаётган Мавжуда опа Исамуҳаммедовани таклиф қилдик. Суҳбатимиз давомида ўқитувчилик масъулияти, фидоийлиги, қийинчиликлари, ўқитувчи ва ўқувчи ўртасидаги ҳурмат ва эътибор муносабатларининг сир асрорлари ҳақида суҳбатлашдик.

<iframe width="853" height="480" src="https://www.youtube.com/embed/I8Zsrdn4FGw" title="Mavjuda Isamuhammedova:Ustozlik —masʼuliyat va fidoyilik talab qiladi" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

М.Турдалиева, А.Аҳмедов (видео), ЎзА