Жорий йилнинг 24 - 28 май кунлари Лондонда бўлиб ўтадиган (ECG Film Festival) олтинчи Британия халқаро кинофорумида Ўзбекистон миллий телерадиокомпанияси «Ўзбекистон тарихи» телеканали (муаллиф Шуҳрат Ҳайитов) томонидан тайёрланган Шароф Рашидов фаолиятига бағишланган ҳужжатли кинофильм намойиши бўлиб ўтади.

Кинофестивалга 22 мамлакатдан юзлаб кино фильмлар тақдим этилган бўлиб, улар орасида «Энг яхши ҳужжатли фильм» номинацияси бўйича финал босқичига муаллиф Шуҳрат Ҳайитовнинг «Sharaf Rashidov-the Inspirer for the Development of Mirzachul (Шароф Рашидов – Мирзачўл ривожланишининг илҳомлантирувчиси)» номли хроникал ҳужжатли фильми чиққан. 

27 май куни Premier Cinemas Romford кинотеатрида намойиш этиладиган мазкур фильмда таниқли давлат ва жамоат арбоби Шароф Рашидовнинг таржимаи ҳоли, жумладан, унинг Мирзачўлни ўзлаштиришдаги жасорати, мамлакат қишлоқ ҳўжалигининг танглик ҳолатидан олиб чиқишдаги ўрни, ирригация, милиорация ва бошқа йўналишлардаги фаолияти ёритилади.

28 май куни тантанали тақдирлаш маросими бўлиб ўтади.

ЎзА