Ўзбекистонда биринчи оммавий музей 1876 йилда Тошкентда очилган бўлиб бугунги кунда юртимиз музейлари 130 йиллик тарихга эга.
Статистика агентлиги маълумотларига кўра, 2024 йилнинг 1 январь ҳолати билан, Ўзбекистондаги музейлар сони 140 тани ташкил этади.
Жами музейларга 2023 йил давомида 5,7 млн киши ташриф буюрган.
Ўтган йили энг кўп ташриф буюрувчиларга эга бўлган мамлакатимиздаги ТОП-5 та музей:
- Регистон ансамбли – 1 миллион 10 минг 800 киши;
- Самарқанд давлат музей қўриқхонаси – 1 миллион 6 минг 600 киши;
- Ғалаба боғи ёдгорлик мажмуаси таркибидаги Шон-шараф давлат музейи – 648,5 минг киши;
- Хива Ичанқалъа давлат музей қўриқхонаси – 448,4 минг киши;
- Бухоро давлат музей қўриқхонаси – 390,3 минг киши.
Маълумот учун, Халқаро музейлар кенгаши 1977 йилдан бери 18 май Халқаро музейлар куни сифатида ўтказиб келади.
Янги таҳрирдаги Конституциянинг 78-моддасига асосан, республика фуқароси ҳисобланган ва 18 ёшгача бўлган болаларнинг маданий мерос иншоотларига, жумладан кўргазмалар, тарихий обидалар ва зиёратгоҳлар, шунингдек, давлат музейларига тўловсиз кириш тартиби жорий этилган.
<iframe width="1583" height="604" src="https://www.youtube.com/embed/3quIu_WhcyI" title="Oʻzbekistonda eng koʻp boriladigan muzeylar" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>
Жумладан республика фуқароси ҳисобланган ва 18 ёшгача бўлган болалар:
– ҳар йилнинг 2–8-сентябрь кунлари ўтказиладиган «Музейлар ҳафталиги» доирасида;
– ҳар ойнинг биринчи якшанбаси уюштириладиган «Очиқ эшиклар куни» доирасида;
– ҳамда ҳафтанинг ҳар сешанба ва жума кунлари маданият муассасаларига бепул киришлари мумкин.
Шаҳноза Тоштемирова, ЎзА